في يوم هترجع لطريق ربنا.. في أول ظهور إعلامي شقيقة دينا المنتقبة تتحدث عنها

كتبت: أميمة أحمد

كشفت شقيقة دينا المنتقبة ريتا عن علاقتها بشقيقتها حيث قالت:” أختي وعلاقتنا كأي اتنين أخوات قوية جدا إحنا عشنا مع بعض واتربينا مع بعض”.

وتابعت ريتا أثناء مداخلة هاتفية خلال برنامج mirror من تقديم الصحفي خالد فرج:” إحنا افترقنا في الحياة ولكن لم نفترق كشقيقات، هي ليها فكرها وأنا ليا فكري، وعلى فكرة دينا من الناس اللي قلبها نضيف جدا وحنينة”.

وأكملت:” اللي بيبان للناس من شخصية دينا عكس اللي جواها، دينا كمان إنسانة بارة بأهلها جدا بارة بيا وبأولادي وبولانا الله يرحمه والإنسان البار ده عند ربنا حاجة كبيرة قوي”.

وأضافت:” ربنا قال أدعوا إلى سبيل ربك بالحكمة والموعظة الحسنة وجادلهم بالتي هي أحسن وعشان كده كلامي معاها أو مع غيرها لازم يكون براحة”.

واختتمت'” دينا جواها مع ربنا ولكن أفعالها لسه شوية وفي يوم من الأيام هتيجي لطريق ربنا، وأنا مشوفتش طبعا مسلسل إش إش”.