مؤلفة مسلسل “لام شمسية” مريم نعوم: أي حد بيعاني من اضطرابات نفسية غالبا بترجع للطفولة
كتبت: أميمة أحمد
كشفت الكاتبة والمؤلفة مريم نعوم أن أسرار و كواليس تأليفها لمسلسل “لام شمسية” حيث قالت:” بدأت أكتب العمل منذ خمس سنوات ووقتها كنت مستعدة لمناقشة عمل مهم مثل “لام شمسية” على الشاشة.
وتابعت خلال لقائها في برنامج كلمة أخيرة من تقديم الإعلامية “لميس الحديدي”:”القضية التي يناقشها العمل واقعية جدا وموجودة في المجتمع بشكل كبير وأنا طول الوقت بيشغلني موضوعات من قلب المجتمع، لكن كل حاجة بتيجي في وقتها وبتخرج للنور في التوقيت المناسب”.
وأكملت:” كنت بشتغل وقتها على مشروع تاني بطلته كانت ضحية تحرش في طفولتها، ولما اتعمقت في الأحداث لقيت إن كتير من تصرفاتها في الكبر راجعة للحظة حصلت في الطفولة، وقتها قولت لازم أشتغل على عمل يخص القضية دي من جذورها، ومن هنا بدأت فكرة “لام شمسية”
وأوضحت:” غالبا أي حد بيعاني من اضطرابات نفسية، بيكون اتعرض لصدمات في طفولته، فما بالك لو الطفولة دي كان فيها انتهاكات جسدية أو جنسية؟ عشان كده حسيت إني لازم أبدأ الرحلة دي”
واختتمت:” الموضوع كان مهم جدا وكان لازم دراسته نفسيا وبسبب كده تواصلت على الفور مع سارة عزيز وهي متخصصة في قضايا التحرش بالأطفال وقولت لها عاوزة مساعدة منك أنا عندي مشروع عن كذا، وكل حرف ومشهد اتعمل كان تحت إشراف سارة“.
