زيزو يحسمها: لم أوقع لأي نادي واللى حصل على توقيعي يعلن

حسم اللاعب أحمد سيد زيزو لاعب نادي الزمالك أنه لم يوقع لأي نادي وذلك عبر حسابه الشخصي على الفيسبوك وقال:”ا لحمد لله. أنا راجل بحترم كل الناس..لكن للأسف عدم ردي علي المعلومات المغلوطة. والتزامي .. كل ساعة خبر عن توقيع أو تجديد عقد زيزو. وكل واحد بيغازل الشريحة اللي عايزها من الجمهور. بسبب خبر رايح وخبر جاي. بكل وضوح أنا لم أوقع لأي نادي سواء داخل أو خارج مصر. اللي حصل على توقيعي يتفضل يعلن..إذا كان كلامه صحيح؟

كمان اللي عنده دليل على توقيعي لأي نادي برضو يتفضل يطلعه على الملأ.. الناس لازم تعرف كويس. انا بقدر جدا الكيان الكبير اللي أنا بلعب فيه..ولا يمكن أنكر فضله عليا. لكن فيه حاجة أنا مكنتش حابب أتكلم فيها خالص.. لأنه للأسف الأمور في الإعلام كلها في إتجاه واحد.. ليه محدش اتكلم عن حقوقي المشروعة زي أي لاعب في الدنيا.

ليه محدش اتكلم إن الناس سابتني بقالها شهور طويلة ومش عايزين يجددوا عقدي. ليه محدش اتكلم عن المستحقات المتأخرة اللي ليا بقالها كتير. ومش لاقي حد يجاوبني. ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة.. ولعيب الكورة مهما طول. عمره قصير في الملعب.. وأكيد كل واحد فيكم عنده أسرة. وعليه التزامات كتير.. محدش كمان اتكلم إنه ربنا سبحانه وتعالى أنعم عليا بعروض مقابلها المالي 5 أضعاف العرض اللي موجود.

ورغم كل ده. قلت وهفضل أقول أنا منتظر كلمة النادي. وده لإعتبارات كتير. مش لتجميل الصورة. والجماهير لازم تكون عارفة الحقيقة.. زيزو مش بيزايد.. ولا بيتاجر..لكن لازم الطرف التاني يكون عايزني أكمل.. وتكون فيه استجابة لربع المعروض عليا على الأقل..لكن للأسف الكلام معايا حاجة..واللي بيتقال للإعلام حاجة تانية

أنا مينفعش اجرح في حد. ولا أتكلم في حق حد.. لأن اللي بيتقال في الجلسات عيب يتقال برة..على الأقل من ناحيتي..أنا مستني رد النادي لحد آخر يوم في الكونفدرالية..وأتمنى ربنا يكرمنا بيها أنا وزمايلي. وأي كلام هيتقال غير كدة في موضوع التجديد أو التوقيع قبل الموعد ده . هيكون كلام غير صحيح. ورسالتي الودية جدا للمسئولين في النادي اللي أنا بحترمهم جميعا.

أتمنى الحوار في مسألة تجديد العقد يكون بيني وبينكم.. مش عن طريق الإعلام..وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على اننا نكمل الطريق. شكرا على تفهمكم موقفي

أعلن الإعلامي هاني حتحوت عن مكالمة هاتفية جمعته مع أحمد سيد زيزو وقال ملخص تصريحات زيزو وجاءت كالتالى:” ميدو بيتكلم عن تجديدي.. وفي مباراة مودرن بكأس مصر كان ينتقدني في المدرجات

كنت بغشش حسين لبيب يتعامل مع أبويا إزاي زي المستشار مرتضى كان بيبعت عربيه مخصوص مسؤول في الزمالك قالي بلاش تجدد بس متروحش الأهلي، عرض الزمالك الأقل ماديا بين كل العروض.

وفي سياق آخر أعلن الإعلامي إبراهيم فايق عن انتهاء صفقة زيزو لاعب نادي الزمالك إلى النادي الأهلي ، وذلك عبر حسابه الشخصي على موقع التواصل الإجتماعي الفيسبوك.

وكتب:” ‏شيله من على الشاحن ‏زيزو أهلاوي ١٠٠ ٪

‏التفاصيل في الكورة مع فايق”