لو كان اسمه ياسين عبدالسلام مكنش حد اتكلم.. مها الصغير تدافع عن نجلها بعد الهجوم عليه بسبب “سيد الناس”

كتبت: أميمة أحمد

علقت الإعلامية وزوجة الفنان أحمد السقا مها الصغير على الهجوم الذي تعرض له نجلها ياسين السقا بعد مشاركته في مسلسل “سيد الناس” قائلة:” هجوم غير مبرر الصراحة”.

وتابعت أثناء تقديمها برنامج”الستات مايعرفوش يكدبوا”:” لو كان اسمه ياسين عبدالسلام مش ياسين السقا، مكنش حد قال حاجة، هو عمل دور بسيط جدًا، ولو شفتوا الدور هتلاقوا إن ما فيهوش مساحة تمثيل كبيرة”.

وتابعت:” ياسين كان بيقدم دور شاب كان في إنجلترا ورجع يعيش مع أهله، يعني جمل محدودة إزاي قدرتوا تحكموا عليه كممثل”

وأكملت:” الهجوم عليه ولا كأنه كان بطل العمل، والهجوم الشرس عليه كان بحجة إنه ابن فلان وواسطة، شيء مش منطقي، لازم نكون أكثر وعيًا، فيه أبناء فنانين كتير أثبتوا نفسهم وموهبتهم زي دنيا وإيمي سمير غانم، أحمد السعدني، وأحمد الفيشاوي“.