أميرة أديب: الناس كانت بتتنمر عليا واترفضت في أدوار كتير بسبب شكل مناخيري
كتبت: أميمة أحمد
كشفت الفنانة أميرة أديب عن تعرضها للتحرش ورفضها في أكثر من عمل بس شكل أنفها”.
وقالت أميرة أثناء استضافتها في الراديو بيضحك من تقديم الإعلامية فاطمة مصطفى:” أنا الناس بتتنمر عليا عشان مناخيري وفي أدوار كتير مجاتليش بسبب الموضوع دا وكانوا بيقولولي مناخيرك كبيرة، أنا مش عايزة أبدا أخلي في شكل جمالي معين هو اللي يحركني أو يحرك بنات وفي شغلي أنا عايزة أحط كل شيء طبيعي في أي حاجة بعملها سواء حجم شكل أو طول عشان أنا تعرضت لكده”.
وتابعت:” اترفضت كتير اوي في شغلي وفي مخرجين قالوا لي شكل مناخيرك مش حلو، ومكنش عندي إلا حلين يا أروح أعمل فيلر وأكبر شفايفي أو أخلي الناس تتنمر عليا شوية واسمع كلمتين وحشين بس أخلي بنت شبههي تحس أن إيه دا عادي تمام”.،
واختتمت:” التعليقات ساعات كانت بتضايقني بس بقول لنفسي، ربنا مش بيعمل حاجة غلط ودا مش معناه أن لو بنت بتعمل فيلر دا حاجة وحشة المهم تبقى سعيدة وممكن في يوم من الأيام أضعف وأعمل المهم أن الواحد يعمل اللي يرضيه”.
