مي عمر تعلن عن مسلسلها الجديد في 2026: انتظروني في عمل يليق بالجمهور مع مخرج جديد

كتبت: أميمة أحمد

احتفلت الفنانة مي عمر عبر حسابها الرسمي بـ فيسبوك بنجاح مسلسل “إش إش” وأعلنت عن مشروعها القادم في 2026.

وكتبت مي عمر:” الحمد لله مسلسل إش إش يتصدر عدد مشاهدات شاهد في مصر و الوطن العربي وبقية دول العالم طوال شهر رمضان بفارق نقاط ضخم عن بقية الأعمال، شكرا إم بي سي مصر و إم بي سي دراما ، وشبكه قنوات إم بي سي و شكرا شاهد، شكرا أ/محمد عبد المتعال و أ/ محمد مصطفي و أ/ طارق الابراهيم و أ/ أيه مدحت و د. وليد مصطفي و أ/ حسن العسيري علي الدعم الدائم و الأهتمام طوال الوقت، أستاذ محمد مصطفي شكرا علي الأفكار الجامدة اللي كلها كانت في محلها يا عبقري”.

وتابعت:” شكرا الجمهور المصري والعربي العظيم، شكرا صناع و ممثلين مسلسل إش إش”.

وأوضحت:” أنتظروا قريبا الإعلان عن مشروعي القادم رمضان ٢٠٢٦ و بوعد الجمهور إن شاءالله هيكون عمل يليق بهم مثل إش إش و نعمه الأفوكاتو ولؤلؤ مع مخرج رائع لأول مرة هنشتغل سوا و متأكدة إنه هيظهرني بعين جديد”

واختتمت:”شكر خاص للداعم الأساسي والأب الروحي أ/ محمد سامي، شكرا علي مجهودك يا أكتر إنسان شفته بيتعب في شغله و بيهتم بيه ، إتعلمت منك حاجات كتير فادتني و أكتر حاجه إتعلمتها منك و اللي دايما بتقولها “أقفلي ودنك و إنجحي بس وماتسمعيش أي كلام من أي حد ،وبعد الهيصة مابيتبقاش غير النجاح”.