بعد نجاحه في “لام شمسية”.. محمد شاهين : العمر غير مرتبط بالنضج

كشف الفنان محمد شاهين عن الكثير من الأرقام في حياته، وذلك خلال لقائه ببرنامج “أرقام” مع إيناس سلامة الشواف على راديو إنرجي 92.1.

تصريحات محمد شاهين: 

وقال شاهين: “أن العمر غير مرتبط برقم ولا النضج، فأنا ضد فكرة ربط الأهداف برقم العمر ، يعني أنا دلوقتي ٤٥ سنة المفروض اعمل إيه يناسب سني؟”، وتابع قائلاً: “بحب رقم ١٣ جدا من صغري وبعتبره رقم حظي لأنه مرتبط بحاجات حلوة”.

وعن أرقام المشاهدات والإيرادات، قال: “حلم أي فنان إن العمل اللى بيقدمه يكون كامل العدد داخل المسرح او قاعة السينما والناس تتفرج عليه، وبأشعر بالفرح بأرقام المشاهدة لأنها نفس فكرة كامل العدد”.

وواصل حديثه قائلاً: ” رقم الترند بعرفه من الناس لكن مش بهتم بيه وعادة لما بيحصل بكون لسة بصور، الإيرادات بتفرحني لأن ده معناه مكسب للإنتاج بيكسب في شغل تعب فيه ودفع فيه فلوس “.

وعن ترتيب الأسامي والأجور بين النجوم، قال: “عمري ما كان فارق لي فكرة رقم الأجر العالي، مش هنكر إن رقم ترتيب اسمي على الأفيش بيفرحني وهو متقدم بس في الآخر الناس مش بتتفرج على التتر المهم الدور تأثيره إيه”.

وكشف محمد شاهين إنه لا يمتلك أي حسابات على فيس بوك، ولكن يمتلك على انستجرام فقط ويتابع من خلاله ردود الفعل على أي عمل يقدمه.

وبسؤاله عن أول أجر، قال: “أول عمل ليا كنت ٢٢ سنة وأجري كان ٧٥٠ جنيه ومن حظي إني اشتركت في أعمال سعيد بتقديمها مثل “ونوس”.. “الزيبق”.. “السبع وصايا”.. “نيران صديقة”.. “بين السرايات” وغيرهم.