تارا عماد عن والدها:” مش عايزة يكون بينا أي علاقة” 

تحدثت الفنانة تارا عماد عن علاقتها مع والدها في أحد اللقاءات التلفزيونيه وقالت: آخر مرة كان ليا تعامل مع والدي وأنا عندي 23 سنة، ومن ساعتها انفصلت عنه، ومش عايزة يكون بينا أي علاقة. هو طلب يرجع يتعامل معايا بعد وفاة والدتي، لكني رفضت.

لما حضر جنازة والدتي فرحت، لكن برضو مش عايزة يكون في صلة بينا، لأني حابة أعيش في سلام نفسي وأشيل همي بس، في ناس ممكن تشوفني شريرة بسبب موقفي من والدي، بس الحقيقة إن ده اللي مريحني وبيخليني مرتاحة.

علاقتي معاه ضعيفة أوي، فمش ممكن أبني عليها إحساس بالوجع أو الانهيار أو القهر لو حصل له حاجة.

لو توفى، ممكن أروح الدفن، وممكن لأ، ومعرفش هندم على ده ولا لأ، ولو حصل وغيّرت رأيي، يبقى خير، ولو ما حصلش، برضه خير.”

سامحت والدي عشان نفسي، ومن مسامحتي ليه قررت إني عايزة أخد بالي من نفسي ومش عايزة علاقة معاه. السماح بالنسبة لي يعني مش غضبانة، ولا حزينة، ولا بعاتبه، ومش شايلة جوايا أي حاجة غير إني عايزة أبقى مستريحة. مش عايزة أشيل هم حد، أشيل هم نفسي وبس.