أول رد من أميرة أديب على طلب الجمهور بـ اعتزالها الفن 

تعرضت الفنانة الشابة أميرة أديب خلال الأيام الماضية للعديد من الهجوم، وذلك بعد ظهورها في مسلسل عايشة الدور الذي تقدمه النجمة دنيا سمير غانم، وطالب الجمهور أميرة بأنها تعتزل الفن 

لتقوم بنشر ستورى عبر حسابها الشخصي على موقع تبادل الصور والفيديوهات إنستجرام. وقالت:” في الحقيقة، اللي مضايقني أكثر من أي انتقاد شفته السنين اللي فاتوا، هو عدم الإنسانية والراحة اللي الناس بقت فيها وهي بتكره في العلن، وبقى كل الدعم خاص».

وتابعت: «كمية الرسائل اللي بتجيلي بشكل خاص على أي حاجة بعملها كثيرة، الحمد لله، وأنا ممتنة لها، الحمد لله، بس مش دي الفكرة، الفكرة إني بقيت أحس إن الناس بقت تخاف تدعم في العلن، لأن اللي بقى cool هو الكره».

واستكملت «أديب»: «ولما بيكون في دعم في العلن بنبدأه بكفاية خوف من المجتمع، أنا بحب كذا، بجد؟ بقينا خايفين نقول حاجة حلوة؟ ومش خايفين نأذي؟ مش خايفين نكره؟ عالم حقيقي غريب، وقد إيه أنا مش قادرة أفهمه أو استوعبه، من قلبي، بدعي وبحلم بعالم مش قاسي على الناس وعلى نفسه بالشكل ده، خير إن شاء الله».