إلهام شاهين لـ one take:” شخصية اعتماد الهوارى ظالمه ومحمد سامي بيخرج أفضل ما عند الممثل” 

يحقق مسلسل سيد الناس نجاحاً كبيراً منذ عرضه في السباق الرمضاني الحالى، وتقدم الفنانة إلهام شاهين شخصية مختلفة عن ما قدمته من قبل خلال العمل. 

وفي هذا السياق تواصل one take معها وكان لنا نص الحوار التالى: 

هل تعتبرين أن اعتماد الهوارى ظالمه أو لديها مبررات؟ 

اعتماد الهوارى شخصية ظالمة وليها مبررات من وجهة نظرها، هي شخصية قلبها أسود على كل الناس حتى هي صعبه في تعاملها مع ولادها، هي عاشت أن جوزها مش بحبها ولا سمعت منه كلمة حلوة طول حياتها، فجأة لقيته جايب ليها عيل بيقولوا ربيع اصل عنك، كل ده حاجات خلتها تكره كل اللى حواليها. 

من وجهه نظرك.. لماذا استغرب الناس تقديمك لهذا الدور ؟ 

الناس مستغربه عشان متعودة مني على الأدوار الراقية والشيك الست الحنونه اللى قلبها على الكل، فلأول مرة يشوفوني في شخصية كده شعبيه بكره كل اللى حواليا بفؤح في أذاهم. 

وده في حد ذاته نجاح للدور لأن أي ممثل نجاحه في أن الجمهور يحب أو يكره الشخصية على حسب اللى بنقدمه. 

ماذا يميز محمد سامي عن أي مخرج آخر تعاملتى معه؟ 

محمد سامي مخرج عبقري بيعرف يطلع أحسن ما في الممثل اللى قدامه، بيشجعك طول الأول على أن يكون عندك أفضل، أعماله كمان مختلفة وبعيدة عن المألوف . 

ما هو رأيك في الدراما الشعبية هذا الموسم: 

أنا عشان لسه بصور مش متابعه أوي بس فيه العتاولة٢ وفهد البطل وسيد الناس، كلها أعمال حلوة والناس بتحبها وبيتفرجوا عليها . 

تفاصيل مسلسل سيد الناس:

الجدير بالذكر أن مسلسل “سيد الناس” شارك في بطولته بجانب عمرو سعد، كلا من وريم مصطفى، إلهام شاهين، أحمد زاهر، بشرى، إنجي المقدم، خالد الصاوي، صلاح عبد الله، منة فضالي، نشوى مصطفى، أحمد فهيم، أحمد رزق، محمود قابيل، رنا رئيس، إنجي كيوان، ساندي، جوري بكر، ملك أحمد زاهر، سليمان عيد، سلوى عثمان، وهو من تأليف وإخراج محمد سامي.