نيكول سابا لـ one take:” اللى شدنى في شخصية رقية أنها قوية و عارفه بتعمل ايه”
نيكول سابا لـ one take:" اللى شدنى في شخصية رقية أنها قوية و عارفه بتعمل ايه"
خطفت النجمة نيكول سابا الأضواء من خلال شخصية رقية العسكري في مسلسل وتقابل حبيب، وأشاد بها عدد كبير من من الجمهور ورواد مواقع التواصل الاجتماعي المختلفة.
وفي هذا السياق تواصل منصة one take معاها وكان لنا هذا الحوار الممتع.
ما هو أكثر شيء جذبك في شخصية رقية العسكري؟
اللى جذبني في شخصية رقية هو الكاريزما والهالة اللى عندها وأن حضورها طاغي في أي مكان بتكون فيه، وواثقة من نفسها وعايزة أيه وعارفه بتعمل أيه.
كيف تابعت ردود الأفعال على الشخصية؟
الحمدلله حبيت المعادلة الحلوة وأن الناس مستفزة من رقية لكن بتحب نيكول، وأن الممثل يقدر يوصل الشخصية على أن الناس تكرها لكن الممثل نفسه لأ، وأهم حاجه أن اكون وصلت الشخصية وأبعادها.
كيف رأيتي التعاون مع ياسمين عبد العزيز بعد فيلم ⅛ اشرار؟
كنت متحمسه جداً لأن عملنا عمل مهم في السينما المصرية والتنوع والتغير في ⅛ دسته أشرار والتغير اللى بتعمله في وتقابل حبيب ده نجاح في حد ذاته وأن الناس شافتنا في الكوميدي وخفه الدم وشافتنا واحنا اعداد ودراما في وتقابل حبيب، ففي اختلاف جبار في السينما والدراما وكنت قلقانه من ردود الفعل والناس هتشوف الصراع بينا في العمل ازاى.
